KRONIKAK
IHITZA PAROT | NATUROPATIA
Kolesterolak irudi txarra du, garai batez gure gorputzaren ongizatearen mamu beltza zen.
Alta kolesterola ezinbestekoa dugu, bi mota nagusi desberdintzen ahal dira, eta hauen arteko oreka ezinbestekoa dela uste du Ihitza Parotek.
2023ko Otsailaren 09a
KRONIKAK
OTXANDA LARZABAL | ZINEMA
Otxanda Larzabal-Idiarten kronikan bi film:
2023ko Otsailaren 08a
KRONIKAK
NORA ARBELBIDE | LITERATURA
Nora Arbelbidek bere hilabeteko kronikan, testu laginak biltzen dituen liburu bat aipatu digu.
Xabier Monasterio bilboarrak, Iparreko Eleak liburuan, Ipar Euskal Herriko 28 idazleren testu laginak bildu ditu, eta laburzki komentatu. Axular, Etxepare edota Hiriart Urruti hor dira, bainan ezagutzen dituzueMari Luisa Erdozio, Mariana Etxegarai, eta Mariana Argain?
Arantxa Idieder joan da Nora Arbelbideren gana.
2023ko Otsailaren 06a
KRONIKAK
BELTZANE OBANOS | FINANTZAK
Finantzekiko nortasunak aipatu dizkigu hilabete honetan, Beltzane Obanos kronikariak. Joera desberdinak izaten ahal ditugulako, gure nortasunaren arabera, diruarekiko eta bikotean arazoak sortzen ahal ditu.
Sahutzailea eta aurrezlea dira usaiazko profilak, beste hiru profil ere aipatu dizkiugu Beltzane Obanosek: Saiheslea, Metatzailea eta Fraidea edo Serora.
2023ko Otsailaren 02a
KRONIKAK
GABRIEL DURRUTY | NATURA
Gaztainaz aritu da Gabriel Durruty kronikaria.
Garai batez usaiazko jakia zen fruitua, etxe ondoko oihanean biltzen zena. Euskal Herrian nola sartu den arbola, nola erabiltzen den, eta ze egoeratan den aipatu ditu Kattalin Indabururekin.
2023ko Otsailaren 01a
KRONIKAK
XABI ETXEBERRI | MUSIKA
Ensemble 0 taldea aipatu digu aldi huntan Xabi Etxeberri musikari kronikariak, udaberrian Jojoni diskoa aterako duena.
Latitudea abiatzen baita zerotik, proiektu eta norabide desberdinak hartzen dituen musika taldea baita. Musikari kolektibo bat da, gaurko musikan murgiltzen dena, soinu minimalista, errepikakorrak bereziki.
2004an sortu taldeak, gas emisioak ttipitu nahian, bere birak desberdinki pentsatzen eta antolatzen hasi da. Hegazkinik gabeko bidaiak, trenez, bizikletez, instrumentu ahal bezain gutti mugituz.
Xabi Etxeberrirekin mintzatu da Arantxa Idieder.
2023ko Urtarrilaren 27a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016