Hazparneko Jauzika gimnastika taldeak, emaitza ederrak bildu berri ditu departamenduko txapelketan: taldeka eta indibidualki. Paradaz baliatu gira talde horren ezagutza egiteko jokolari eta trebatzaile den Adela Legras Cachenaut-rekin.
2023ko Martxoaren 14a
Presoen aldeko elkartasun komiteek antolatzen dute Ezpeletan larunbat honetan izanen den ekitaldi eta kontzertua. If Renaud Was A Punk, Zetak eta DJ Bull izanen dira. Ostiral eguerdi arte aurresalmentak 10 eurotan dituzue.
Ohitura zen Ezpeletan kontzertu hau abenduan egitea, bainan usaia zaharrak aldatu direla erran dauku Emilie Martin antolaketakoak.
2023ko Martxoaren 09a
Joan den udan eman zuten lehen aldiz "I Ikusgarria" baina larunbat ean martxoaren 11an, Baionako antzokian eskainiko dute. Arbona eta Ahetzeko Primadera dantza taldeak, dantza, musika, kantua eta bertsoa uztartzen dituen ikusgarria sortu zuen, publikoarekin batera gogoeta baten pizteko. Larunbatean antzoki batek emaiten duen prestigioa dastatuko du taldeak. Olatz Idoate egon da Karine Etchart Primaderako presidentea eta Zigor Goieaskoetxea ikusgarriaren sortzailetariko bat.
Eta telefono zenbakia zuen lekua erreserbatzeko 06 78 04 36 03 edo hemen zuzenki erosteko.
2023ko Martxoaren 08a
Martxoaren 8an, emazteen borroken nazioarteko eguna izanki, Baionan hainbat hitzordu eta mobilizazio izango dira.
Goizean sindikatuen mobilizazioa, tailer bat Planning Familialean, atsaldean pare bat elkarretaratze, mahainguru bat eta kontzertu bat ere gauean Züzülun. PAF elkarteak antolatzen duen gaueko "Arrapostua Ahizpatasunetik" eztabaida animatuko du Jenofa Berhokoirigoinek. Harekin egon da Arantxa Idieder.
Bestalde maiatzean Baionan hiru eguneko festibala antolatuko du elkarte feministak, eta Jenofak aipatu bezala, diru bilketa bat ere abiatu dute antolaketan laguntzeko.
2023ko Martxoaren 06a
Tarteka, ikasle batzu hurbiltzen dira Gure Irratira, ikastaldi bat egitera, lan mundua deskubritzeko 12 edo 13 urte dituztelarik.
Eta guttiagotan agian, helduek ere bi asteko ikastaldia egiten dute irratian, euskara ikasteko, edo hobeki erran, lantzeko. Maryse Etxeverry 32 urteko Urruñarra, bi astez egon da irratian euskaraz bizi den gune batean murgiltzeko. Bere lanarekin adostuta, AEKrekin formakuntza sakona segitzen du. Ziburuko mediatekan liburuzaina den Maryse Etxeverryrekin mintzatu da Arantxa Idieder.
2023ko Martxoaren 03a
Aniztasunaren aldeko ekimena martxoaren 11a arte Baionan.
Ekitaldi horren 7.alearen programa osatzeko, 30 elkartek parte hartu dute. Elkar bizitza, errespetua, irekitasuna eta elkartasuna bezalako gaiei publikoa sentsibilizatzea dute helburua.
Preseski hizkuntzei begira irekitasuna lantzen duen Euskal Babel elkarteak parte hartzen du programazioan aurten. Marga Forestier mintzatu da Gilles Rivières-ekin.
2023ko Martxoaren 03a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016