Luhuson, azken Kabalkada 2002an eman zuten, eta sinbolikoki nahi zuten 20 urteren buruan eman, bainan azkenean 2023an izanen da Luhuson: agorrilaren 26 eta irailaren 2an.
Lehen bilera bat egin dute, parte hartzaile guziak elkar gurutzatzeko urtarril hastapenean.
Panpi Merkapide izan da, eta aitzineko Kabalkadan parte hartu zuen Mixel Duclos entzunen dugu, Christian Etcheverria eramailea, antzerkiarentzat Xermin Camblong, Jon Carricart dantzaria, eta Luxi Lazkarai eta Maider Kurutxet dantza irakasleak.
2023ko Urtarrilaren 24a
5 urteko ikasketen bukaera markatzen duen proiektua da. Angeluko ISA BTP eskolatik pasatzen diren ikasleek, ibilbide hastapenetik gogoan dute, 5 urteren buruan, beste herrialde bateko Gobernuz Kanpoko Erakunde bat lagunduko dutela.
HumanÀ¢Â€Â™isa elkartearekin beraz, otsail bukaeran 62 ikasle Paraguai-ra joango dira, 6 astez, 300 metro karratuko Medikuntza Zentro bat eraikitzeko, hastetik buru. Bertako Tetcho elkartea laguntzeko dirua bildu behar dute, ondoko igandean adibidez Hiriburun mus txapelketa bat antolatzen dute.
Proiektuko Ellande Grossier eta Hugo Zubieta bi ikasleekin mintzatu da Arantxa idieder.
2023ko Urtarrilaren 20a
Hazparneko Ezkia ikastola bere 50. urtemuga ospatzen ari da, hilabetero ekimen bat antolatuz.
Urtarrilaren 21ean, larunbatean 21.00etan, Bastidan kantaldi bat antolatzen dute: Lauburu taldea eta Eñaut Elorrietarekin.
Kantaldiaz xehetasunak eman dauzkigu Maite Erdozaintzik, ikastolan andereño eta buraso izan denak.
2023ko Urtarrilaren 20a
Biarritzeko Maritzuli konpainiak helduentzako dantza kurtsoak proposatzen ditu ostegun arratsetan, 7.30tarik 9etarat.
Helburua da, plazak, dantzariz betetzea dantzaldietan.
Jon Olazcuaga Garibal, Maritzuli konpainiakoak, erran dauku helduentzat dantza klaseak bazirela, bainan hauek beste proiekturik badutela gibelean.
2023ko Urtarrilaren 17a
Bunuztar Xoriak, Oztibarreko dantza taldeak sortu duen Laminosine ikusgarria, emanen dute igande honetan Senpereko Larreko gelan, urtarrilaren 15ean 17:00etan.
Jenofa Bacho dantza taldeko lehendakariak aipatu digu ikusgarriaren izenburua Oztibarren atxemaiten den gune bati lotua dela.
Igandeko ikusgarriarentzat erreserbak egiteko 07 72 25 05 87rat deitzen ahal duzue.
2023ko Urtarrilaren 13a
Argazkietatik abiatuz ilustrazio koloretsuak sortzen ditu Elena Eiherabidek.
Sare sozialetan Urrup eta Klixk izenpean atzemanen duzue bere lana. Ez da bere lanbidea baina grafismoa eta marrazkia gustuko ditu. Lehenik plazerarentzat ari zen baina orain bezeroak baditu. Marga Forestier mintzatu da Elena Eiherabide-rekin.
2023ko Urtarrilaren 13a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016