Kiribil konpainiak Angeluko ETXEA eri zentroan eramandako proiektu artistikotik sortutako À¢Â€ÂœLoreakÀ¢Â€Â erakusketa Quintaou liburutegian ikusgai da irailaren 30a arte.
Senpere eta Donapaleu herrien ondotik, Angelura iritsi dira obrak eta erakusketaren inguruan hainbat hitzordu ere proposatuak dira. Kiribil konpaniako Amaia Hennebuttekin mintzatu gara hitzordu honetaz eta lehen lehenik zer nolako proiektua eraman duten kontatu dio Maia Muruagari.
2022ko Irailaren 23a
Maialen Hegi-Luku eta Maitena Ihidope artista gazteek, beren obrak erakusten dituzte egun hauetan Hazparneko Xoribit gelan. Hegi-Luku hazpandarrak lehen aldiz margolanak ditu erakusten, koloretsuak eta Maitena Ihidopek berriz xuri beltzezko marrazkiak.
Erakusketaren aitzin dasta bat emaiten digu Olatz Idoatek, Hazparnera hurbildu baita bi artistekin hitz egiteko.
2022ko Irailaren 23a
Ziburun kultura denboraldi berria larunbatean irailaren 24an abiatuko dute, denboraldiaren estrenan hip hopa, antzerkia eta musika emanaldiak izango dira. Euri iragarpenengatik, Barthes karrikan kokatua den gelan egingo dituzte ikusgarriak.
Larunbateko kultur denboraldi estrenaz eta abendu bitarteko hitzorduez mintzatu da Maia Muruaga Ziburuko herriko etxeko euskara arloko auzapozerdorearekin, Fanny Lascuberekin.
2022ko Irailaren 23a
Aldarrikapenak plazara! Euskara, edota genero berdintasuna pilotaren bitartez plazara ekarri nahi dute Kanbo eta Itsasuko ikastolek irailaren 25eko hitzorduarekin.
Neskak ariko dira esku huskan lehenik, eta ondotik Oinatz Bengoetxea pilotari ezagunak bi desafio izango ditu, inguruetako pilotarien kontra. Itsasuko ikastolako buraso eta antolatzaile den Antton Muztiratzekin egon da Arantxa Idieder.
Itsasuko plazan izango da, eta euria balitz Atharrin.
2022ko Irailaren 22a
Elkano Itsas Herria erakusketa ibiltaria antolatu dute Elkano Fundazioak, Albaolak eta Donostiako Itsas museoak. Horren karietara, À¢Â€ÂœJuanita LarandoÀ¢Â€Â patatxa eta bere eskifaia portuz portu dabiltza Bizkaitik Lapurdiraino joan den ekainetik irail bukaera arte.
Albaola fabrikak egin 18garren mendeko patatxa Donibane Lohizune eta Ziburun egon da asteburu honetan. Elkano Fundazioko Iñaki Goikoetxearekin mintzatu da Kriztof Arotzarena, patatxaz itzuli bat egin ondotik.
2022ko Irailaren 21a
AEK-k bere sartzea eginen du urri hastapenean euskarazko kurtsoak proposatuz helduei. Bainan urtero bezala deia zabaltzen dute laguntzaileei, euskara irakasteko gau eskola desberdinetan.
Mireia Mochales didaktika taldekoak xehetasunak eman dizkigu, eta xuxen zer den didaktika sailaesplikatu dio Panpi Merkapideri.
2022ko Irailaren 21a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016