Joan den urtean ezin antolatu, aurten bai, 5 egunez lehen bezala, usaiako hitzordu nagusiekin. Pilota partidak, kontzertuak, igandeko desfilea, haurren eguna asteazkenean, gaztetxearen gaualdia, zerrenda luzea da.
Besta komiteko kide den Lorea Zozaiarekin egon da Arantxa Idieder.
Azpimarratzekoa da, larunbat gauean aurten ere joan jinkariak izango direla urririk, etxera sartzeko.
2021eko Irailaren 10a
Angeluko Elealdi elkartean, euskara ikasteko taldeak osatzen ari dira.
Ibilmoldea: oren bat eta erdiko kurtsoak helduentzat,kopuru ttipitan, goizetan eta eguerdi eta biak arte, denei irekiak. Maryse Elizalde Elealdi elkarteko kidearekin solastatu da Kriztof Arotzarena.
Irailaren 21ean hasiko diren kurtsoen aipatzeko 3 informazio bilkura publiko izanen dira:
-Angelun Tivolin, Manex Goyhenetche Kultur Etxean irailaren 07an 19tan.
-Baionan Zizpa Gaztetxean, irailaren 9an 19tan
-Biarritzen Skateparkean irailaren 15ean, asteazkenez 19tan.
2021eko Irailaren 07a
200 bat pertsona elkartu ziren larunbat arratsaldean Hazparneko karriketan iragan zen manifestaldian, Ttattolako gazteak sustengatzeko.
Davideniatik kanporatzeko manua izan zuten joan den astean. Paueko administrazio auzitegian pausatu errekurtsoaren berririk ez dute momentuz gazteek. Eta karrikaren beste aldean bulegoa duen auzapezaren berririk ez dutela ere azpimarratu dute, bilkura bat hitzeman zielarik.
Kanporatzeko arriskuan badira ere, etxe hutsa biziarazten segitzeko asmoa dute Ttattolako kideek.
2021eko Irailaren 06a
Erratzuko kaikuegilearen ezagutza eginen dugu. Lan molde bat galtzen ari dena, Baztango Ion Dufurrena Iñarreak ikasi duena. Kotxuak edo kaikuak zurez egiten ditu, bainan hortaz gain besterik ere.
Idarteko Borda, harri gorrizko etxe haundian, lehengo behitegian eman du tailerra, hunen bisita eginen dugu Panpi Mercapiderekin.
Ion Dufurrenarekin harremanetan sartzeko: kaikuegilea@gmail.com edo 644 25 41 06
2021eko Irailaren 01a
"Iparretik Hegoraino" deitzen da Andde Ithurbide apezak plazaratu berri duen hiztegia. 200 aletan inprimatua biziki fite saldu da. Iraila erditsutik goiti berriz eskuratzen ahalko da.
Garaztar apeza, 3 urte eta erdiz Parisen izan da euskaldunen omonier, eta apez langile bezala 24 urtez torneatzaile-fraiseur lanean arizan da.
Ttipitatik beti euskaraz ari izan daAndde Ithurbide, eta maite duen euskara nahi zuen zabaldu hiztegi hunekin:
2021eko Agorrilaren 31a
Gure moltsa kudeatzen laguntzea proposatzen du Beltzane Obanosek. Obabel Finantzak deitu enpresa sortu berri du "Coach" formakuntza bat segitu ondoan.
Finantza pertsonaletan trebakuntza lanak proposatzen ditu, baina filosofia batean oinarrituta; Gure diruaren jabe izatea, ahal bezain bat bankuaren menpekotasunetik ateratuz.
Arantxa Idieder, bi arlo desberdinetan berezitua den Beltzane obanosekin mintzatu da.
2021eko Agorrilaren 31a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016