KRONIKAK
OTXANDA LARZABAL | ZINEMA
Otxanda Larzabal-Idiart kronikariak frantses film bat eta David Bowie erdigunean jartzen duen dokumentala ikusi ditu.
2022ko Urriaren 07a
KRONIKAK
PATRICK LARRONDO | BARATZEZAINA
Patrick Larrondo Biriatuko baratzezaina izanen dugu hilabetean behin gurekin, baratze munduaz eta barazkiez mintzatzeko parada izanen da eta horretarako Hendaia eta Urruña artean kokatua den Legarralde eremura joango da Maia Muruaga.
Lehen kronika honetan, Patrick Larrondoren ezagutza egingo dugu, nola lan egiten duen, baita idorteaz ere.
2022ko Urriaren 05a
Joseba Aurkenerena laguntzailea hilabetero gurekin izango da, Euskal Oihartzunak kronika proposatzeko.
Agotak aipatu dizkigu aldi honetan, gure Historiaren parte garrantzitsua, populu baten bazterketa antolatua. Frogak eskas badira ere, Urruñako elizan agotek erabiltzen zuten sartzeak honen oroigarria da.
2022ko Urriaren 04a
KRONIKAK
JOANES GARCIA BASURCO | MUSIKA
Ikasturteko lehen kronikarekin heldu zaigu Joanes Garcia Basurko laguntzailea, eta hilabetero musikari ala talde bat aurkeztuko digu.
Alvaro Lafuente artista gaztearen lehen lan luzea hautatu du aldi honetan. Guitarricadelafuente izen artistikoarekin aurkeztu du La Cantera disko berria, pop folk doinuak oinarri. Sare sozialen bitartez hasi zen bere bidea egiten artista espaniola.
2022ko Irailaren 30a
KRONIKAK
JULEN JAUREGI | NATURA
Ardanabian egon ondoan pasa den sasoian, aurten ere Aturri bazterrean egongo gira Julen Jauregi kronikariarekin, Lehuntze inguruan.
Arbeuko aintzira inguruan dira Olatz Idoaterekin. Aisialdi gune gisa erabilia da gaur egun, arrantzarako, ibilaldi ttipi gunea da ere eta lekua ezagutzeko oihanetik hurbildu dira.
2022ko Irailaren 28a
KRONIKAK
BELTZANE OBANOS | FINANTZAK
Beltzane Obanos-ek Obabel Finantzak enpresarekin, jendeak bere moltsa kudeatu dezan zerbitzuak proposatzen ditu.
Sasoi honetan ere gurekin izango da, hilabetero kronika bat proposatzeko. Aurrezkia aipatu nahi izan du aldi honetan, oporrentzat aurreztea egokia baldin bada, larraldi aurrezkia lehentasuna izan behar dela uste du.
2022ko Irailaren 26a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016