Hilabetero gurekin dugu Elise Dilet Ikas Pedagogia zentroko langilea.
4 liburu aurkeztu dizkio Panpi Mercapideri, Puka eta Meteoaren oilarra baita Arian saileko hiru liburu ere: Donibane Garazi, Baiona eta Maule Lextarre.
2020eko Urriaren 14a
Julen Jaureguy, MIFENEC, aholku eta ikerketa zentrokoarduradun teknikoa da, hilabetero gurekin dugu kronikarentzat. Oroitarazteko da Julen Jauregik Gizarteratze lan sozial bat eramaiten duela ere, Emmanuel De Joanthok Urketan sortu elkartean, Pascal Garciarekin.
Eta gaur, berriz ere Laxia erreka bazterrean da Panpi Merkapide lankidearekin. Naturak inposatu egutegia behar dutela errespetatu erraiten digu Julenek.
Eta heldu den hilabetean Laxiako errekan segituko dugu errekako Koipuru edo Ur Garatoinekin.
2020eko Urriaren 09a
1975ko udaberrian, Burgosko auzia eta bost urterara, azken hilabeteak bizi zituen erregimen frankistak zapalkuntza bortitza erabili zuen jatorri ezberdinetako aurkarien kontra, ETAko euskal militanteak eta FRAP izeneko talde ezkertiarreko ekintzaileak tarteko.
Garai hortako afixa bat berreskuratu du Baionako artxibategiak. Aines Haristoyek aipatu dio Arantxa Idiederri kronikan.
2020eko Urriaren 06a
Miarritzeko mediatekak, MOIO Kattalin Miner-ek idatzi liburuaren aurkezpenaz izan behar zen gaualdia ezeztatu behar izan du. Urriaren 2an, iragan behar zen gaualdiaz baliatu zen Nora Arbelbide Lete liburua aipatzeko, euskal saileko arduraduna Kriztof Arotzarenarekin.
Miñan liburuaren aurkezpen gaualdia Miarritzeko Mediatekan, urriaren 9an, izanen da atsaldeko 6etan À¢Â€Â“ solasaldia Amets Arzallus Antiarekin.
2020eko Irailaren 30a
Hilabetero gurekin izango da Elise Dilet Ikas Pedagogia zentroko langilea.
Bi liburu aurkeztu dizkio Panpi Mercapideri, Ibrahima Balde eta Amets Arzallus Antiaren Miñan eta Uxue Alberbide eta Maite Gurrutxagaren Besarkada.
2020eko Irailaren 14a
Bilketa.eus euskal funtsen atariaren kronika berriz abiatu dugu Aines Haristoyekin. Hilabetero egiten dituzten eguneraketak aipatuko dizkigu.
Aldi honetan Adio Euskal Herriari eta Gernikako arbola kantuen grabaketa zaharrak eta Urtubiako Dama Pio Barojaren ipuina azterketa.
2020eko Irailaren 08a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016