BERRIKETARIAK | SARA
Asteartero 8:45ean Ganex Etcheverrigaray laguntzailearen berriak
2022ko Azaroaren 29a
BERRIAK
Miarritzeko mundialean egin zuten elgarretaratzearen harira, Pilotako Euskal Selekzioaren egun bat antolatu dute larunbat honetako Makeako ezker paretan.
Pilota partidez gain, gaualdi bat ere uztartu da Makeako gaztetxeko laguntzari esker eta ikastolak ere parte hartuko du taloak salduz. Eñaut Etxeberria pilotaria eta Mikaela Indart gaztetxeko kidea solastatu dira Olatz Idoaterekin.
2etan izango da eztabaida publikoa, 3etan pilota partidak bertsolariekin, haurren jokoak, taloak eta 8etarik aitzina, argazkia egin ondotik, kontzertuak, Ixtaklok, Xutik, Liher eta DJ Uzkuluzekin.
2022ko Azaroaren 29a
KRONIKAK
JOSEBA AURKENERENA
Joseba Aurkenerena kronikariak aipatu bezala, 1609an frantsesek "De Lancre epaile laiko ertzoa ekarri zuten Iparraldera laborria eta heriotza nonahi zabalduz". Veillet kalonjeak kontatu zuenez, lau hilabetetan, seiehun pertsona inguru hil omen zituzten, gehien-gehienak donibandarrak, ziburutarrak, azkaindarrak, saratarrak zirelarik. Urtebete berantago, 1610ean, espainiarrek
Zugarramurdin eta Urdazubin 32 pertsona atxilotu eta Logroñora epaitzera eraman zituzten. Espainiar Inkisizioaren arabera aztiak edota sorginak omen ziren. Horietako ainitz torturen ondorioz hil ziren eta sei bizirik erre zituzten 1610eko azaroaren 7an eta 8an jendez mukuru zegoen Logroñoko plazan. 30.000 pertsona inguru omen ziren plazako aipatu ikuskizunaz gozatzen.
2022ko Azaroaren 29a
BERRIAK
Abenduaren 4an igandearekin goizeko 9etatik 14ak arte Loraldiberri izeneko liburu eta disko azoka iraganen da Urruñan.
Herriko plazan izanen da Urrunaga elkarteak antolatu duen hitzordua; 15 argitaletxe eta elkarte inguru izanen dira azokako mahaietan, hogei bat idazle, kantari eta musikari izanen dira ere.Maia Muruaga mintzatu da Gerard Urrutia eta Joseba Aurkenerena antolatzaileekin.
2022ko Azaroaren 29a
BERRIKETARIAK | AZKAINE
Astelehenero 8:45ean Josephine Olhagaray laguntzailearen berriak.À¯Â"¿
2022ko Azaroaren 28a
BERRIKETARIAK | ITSASU
Astelehenetan 8:45ean Peio Ospital laguntzailearen berriak.
2022ko Azaroaren 28a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016