KRONIKAK
IHITZA PAROT | NATUROPATIA
Urte oso bat hilabetekorik gabe egon ondoan, emaztea Menopausian sartzen dela erraiten da.
Emazte bizian garrantzitsua den lehen hilabetekoen ondotik, hauen bukaera aipatu digu aldi honetan Ihitza parotek, naturopatiaren ikuspegitik.
Akidurak, umore aldaketak edo fisikoki eragiten duen fenomenoei erantzuteko, edo emazteak laguntzeko kontseilu batzu proposatu nahi izan dizkigu.
2022ko Azaroaren 16a
BERRIKETARIAK | SARA
Asteartero 8:45ean Ganex Etcheverrigaray laguntzailearen berriak
2022ko Azaroaren 15a
BERRIAK
Black is Beltza lehen atala, 2018an atera zen. 60-70garren hamarkadan murgiltzen zen Manex-en bidaia politikoa, eta maitasun bidaia segitzen genuen. Bigarren atalean 80garren hamarkadan, Amanda kubatarraren eta Manexen alaba izango da protagonista: Ainhoa.
Azaroaren 4an egin zuten estrenaldia Baionako Atalante zinegelan. Bertan ziren Fermin Muguruza egilea, Jone Unanua ekoizlea, beren ahotsa eskaini duten Manex Fuchs, Maryse Urruty eta Iban Rusiñolekin mintzatu gira. Azaroaren 11an hedatu genuen emankizun osoa entzun.
2022ko Azaroaren 15a
KRONIKAK
IKAS | PEDAGOGIA
Elise Dilet kronikariak bi liburu aurkeztu dizkigu, bata haurrei zuzendua, eta bigarrena irakurle sutsu ez direnei.
2022ko Azaroaren 15a
BERRIAK
Ikasgaien Arteko Lan Astea edo IALA astean gai bakar bat lantzen dute kolegioko ikasgai guzietan. Seaskaren Xalbador Kolegioan Kanbon, urriko oporrak aitzin "Iturri zaharretik, ur berria" edan dute, euskal kantagintza landuz.
Artista desberdinak jinarazi dituzte, heien esperientzia eta ibilbidea partekatzeko.
Eta burasoek ere parada ukan dute Mikel Markez eta Eñaut Elorrietak euskal kantuaren transmisioaz proposatzen duten "Baga, Biga, Higa" mintzaldi musikatua ikusteko Itsasuko Sanoki gela mukuru betean, eta tartean zen Panpi Merkapidek, erreportaia ekarri digu.
2022ko Azaroaren 15a
BERRIKETARIAK | AZKAINE
Astelehenero 8:45ean Josephine Olhagaray laguntzailearen berriak.
2022ko Azaroaren 14a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016