KRONIKAK
PATRICK LARRONDO | BARATZEZAINA
San Patrick egunean hurbildu da Panpi Merkapide, Patrick Larrondo baratzezainaren gana. Azken aza-loreen garaia delarik, errezeta ideia batzu eman dizkio.
Azak, babak eta hauen erdian kattalin gorriak, baratzezainen laguna. Bestalde negutegietan kuiak eta kuiatxoak hasi dira landatzea, udaberriko lehen landatzeak.
2023ko Martxoaren 24a
BERRIKETARIAK | DONIBANE LOHIZUNE
Ostiralero 8:45ean Jamattitt Dirassar laguntzailearen berriak.
2023ko Martxoaren 24a
BERRIAK
Uztaritzeko herriko etxeak, Gazteen Kontseilua sortu berri du ikasturte honetan.
Helburua izanki, gazteak gehiago inplikatzea herriaren bizian, hilabete guziz biltzen dira gai desberdinen inguruan. Bilkura horietarik, urtean gauzatzeko bi proiektu atera dira. Lehena, ingurumenaren babesteko egina, Uztaritzeko Bilgune auzoa zikinetaz garbitzea izanen da igandean martxoaren 26an. Olatz Idoate, Eric Mailharrancin hautetsia, Emma gaztea, eta Elodie Lafitte arduradunarekin egon da.
2023ko Martxoaren 24a
BERRIKETARIAK | LEHUNTZE
Ostegunetan, bi astero Pierre Guillemotonia laguntzailearen Lehuntzeko berriak.
2023ko Martxoaren 23a
EMANKIZUNAK | ADI
Nøgen, Balerdi Balderdi, Txopet, Tooth, Emiliana Torrini, Koto Brawa, Kae Tempest, Nul Si Decouvert, The Dreadnoughts, Holy Moly & The Crackers, Parallel Worlds, Telos.
2023ko Martxoaren 22a
BERRIAK
1940-45 urteen artean preso egon zen Jean-Baptiste Blézio hazpandarraren idatziak, ikerketa baten ondotik, liburu batean bildu dituzte, eta ostiral honetan aurkeztuko dituzte Baionako Elkar dendan, arratsaldeko 6:30tan.
5 urtez, Alemaniako leku desberdinetan egon da preso, lanbidez zapetagilea zena. Bere soldadu jantzian josirik gordetua atxikitzen zuen karneta ttipi batean, bere egunerokoa arkatz batekin idatzi du. Vincent Cosse bere arrasameak, Laurent Jalabert unibertsitateko irakaslearekin liburu batean bildu ditu eta ostiralean aurkeztuko dute.
Germaine Blézio, Battitta Blézioren alabak bere etxean ditu karneta horiek, Arantxa Idieder bere gana joan da hauen aipatzeko.
2023ko Martxoaren 22a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016